Blues de Medianoite – Versión Estendida

Blues de Medianoite – Versión Estendida, entra, a ritmo de blues, no misterio e a sensualidade da noite, achegándonos ás raíces negras no movemento e na música, nunha viaxe no tren clandestino que conduce á liberdade. Pon en valor ás grandes damas do blues e a riqueza rítmica que ven directamente de África, sempre dende un filtro persoal. Isto é, o NOSO Blues.

É un espectáculo multidisciplinar (danza, música e teatro) que transita entre o formato escénico e formato concerto. É un espectáculo feminista, que parte do histórico para chegar á intimidade de cada persoa, recreando a poética do imaxinario propio deste xénero musical, grazas á luz, que nos traslada ó club, ó tren, ó cruce de camiños…

En escena estamos Alba Fernández (danza e teatro), Marian Ledesma (voz, teclado e texto), Juan Tinaquero (contrabaixo e baixo eléctrico), Bruno Couceiro (batería) e Julio Cuns (guitarra). Á iluminación escénica, parte fundamental da peza, Alfonso Castro.

Contacta connosco para máis información sobre este espectáculo e contratacións.