QUEN SOMOS

Laboratorio Escénico

Laboratorio Escénico S. Coop. Galega

Cooperativa creada no 2019 por Carmen Cotelo e Alba Fernández. Actualmente somos 3 socias/os Carmen Cotelo (directora de teatro, actriz e mestra de teatro, con método propio),  Alba Fernández (creadora de danza, bailarina e mestra de danza urbana e contemporánea) e Alejandro Varela (actor e productor). Nace para crear o Centro de Artes LABORATORIO ESCÉNICO COOP, que é un espazo de formación, creación, investigación e desenvolvemento das Artes Escénicas en A Coruña. O espazo conta con formación de calidade de danza, teatro e música para todas as idades e niveis, ademáis de funcionar como espazo para as/os profesionais das Artes Escénicas, sendo unha sede de creación e encontro multidisciplinar para todas e todos.

Destacan os Laboratorios de Teatro e Movemento, e os Laboratorios de Improvisación Interdisciplinar, como espazo onde abordamos libremente as artes, nun proceso de experimentación e investigación constante.

Ademais, temos 3 espectáculos en xira (Horas de Outono – teatro xestual en clave de clown, Canela – danza urbana e Nómadas – pasarrúas interdisciplinar), e 2 espectáculos en proceso de creación (As Mapoulas – espectáculo de teatro, música e danza, sobre a vida de Alicia Dorado, muller libertaria e as Casas-refuxio de Monte Alto/Atochas, e Blues de Medianoite – solo de danza contemporánea).

Levamos a cabo, ademais, diferentes proxectos culturais dentro e fóra do centro, como o Plan de Danza Profesional (Formación, Residencias Artísticas e acompañamento a persoas en proceso de profesionalización), ademais de diferentes proxectos pedagóxicos e sociais no ámbito das Artes Escénicas.